eg: ida, 23 år. student ved universitetet i bergen. våren 2009 fullfører eg bachelor i språk og informasjon, med spesialisering i tysk. eg byrja på nordisk hausten 2009. språknerd. har nok kjøleskapsmagnetar til å skriva “audhild gregoriusdotter rotevatn”. lukke!
bloggen: opprinneleg ein fagblogg for det noko utsvevande faget huin102. innynda seg snøggt hjå eigaren og vert no nytta òg på privat basis. kan henda mest på privat basis. var i byrjinga ikkje søkbar, og gjennomsnittleg 8-10 vitjingar i døgeret vart då rekna for god trafikk: “kan ikkje nett samanliknast med krysset på danmarksplass, men så er ikkje dét noko å streba etter heller – sjølve krunedømet* på forureininga og kødanninga i byen, og med verdas skumlaste undergang. heller vera ein harmlaus og nesten ukjent blogg!” dei 8-10 har auka noko, og det er jo kjekt.
medan eg skreiv om huin102 fekk ikkje google sleppa til i mitt faglege rot: “eg lyt ta ansvar: eg diktar samanhengar mellom, og om, det eg ikkje forstår, og folk utanføre klassa kunne jo koma til å tru dikninga. eg kunne leia mange lomhundar’ utføre stupet. (evt inn i det semantiske nettet sine mange forvirrande lag.)” men google får lov no.
*kroneksempelet – eg oversette på sparket og er nett nøgd med resultatet
‘ lemen
desember 12, 2008 at 21:35
eg kjem frå Lom, og no lurar eg voldsomt på kva ein “lomhund” er.
mvh
ikkje-akkurat ein hundekjennar
desember 13, 2008 at 11:16
eg har jo oversett det nedst i teksten! det er det vossa-lokale namnet på “lemen”. så det er ikkje ein hund i det heile, berre ein bråkete liten gnagar.
desember 13, 2008 at 11:43
oups. der kan du sjå. eg kan skulde på at eg er gamal og ser dårleg. eg veit godt ka ein lemen er. dei finns sikkert i Lom til og med. takk for svar som eg kunne funne sjøl!